香港《南华早报》赤化 政协委员做老总

阿爷又发功，今次系唔使一分一毫就买起特区第一大鬼子佬报。《中国日报》前记者、吉林省政协王向伟（图）噚日正式接掌《南华早报》，成为近 11年嚟第 10个总编辑。人称“党委书记”老王，疑似系中共党员。

噚日黄昏， CEO郭惠光公布政协做老总呢个消息，据说唔少《南早》中人吓到细细声叫咗出嚟，因为近年担心嘅噩梦终于成真──中联办正式接管《南早》。因为除咗新老总背景红，佢个副手、新任副老总谭卫儿一样咁红，需知道谭卫儿系中联办高干手帕交，谭入咗《南早》唔够两个月就火速由中国版高级编辑升做副老总，主管香港新闻。

王书记升职后写咗封信畀下属，话香港背靠祖国，一定有运行，又话冇嘢可以阻止中国崛起，亦不忘叫大家要把握北大人换届嘅重要时刻，爆多啲新闻。

自从上任老总蔡翔祁离职，《南华》由好好先生 Cliff Buddle做署理老总，本地帮买少见少，王书记人马逐渐上场，包括编采主任一职由官二代周重欣出任， Social media editor系透过专才计划来港嘅 Ivan Zhai。